Å drive lokallag
Det finst ikkje noko standardoppskrift på korleis ein kan og bør drive eit ungdomslag. Det viktigaste er at medlemmane alltid har siste ordet. Det er medlemmane som gjennom årsmøtet vedtek arbeidsprogram og budsjett, godkjenner årsmeldingar og rekneskap, fastset kva politiske standpunkt ungdomslaget skal ta, og som vel kven som skal styre laget.
Kvart ungdomslag har lover eller vedtekter som medlemmane har bestemt, som fortel kva føremålet til laget er og som legg rammene rundt engasjementet og aktiviteten i laget.
Nyttige dokument for deg som er tillitsvald
- Årsmelding skal leggast fram for årsmøtet i laget. Oppsummerar aktiviteten og engasjementet i laget det føregåande året.
- Rekneskap frå føregåande år som er godkjent av revisor skal også leggast fram og godkjennast av årsmøtet.
- Arbeidsprogram eller arbeidsplan blir vedtatt av årsmøtet og fortel kva område og aktivitetar ungdomslaget skal jobbe med det kommande året.
- Budsjett blir vedtatt av årsmøtet og set økonomiske rammer for aktiviteten og engasjementet i laget det kommande året.
- Fråsegn (resolusjon/uttale) blir vedtatt av årsmøtet eller styret i laget og tar ofte for seg kva standpunkt laget tar i ei politisk sak.
- Ungdomslaget har gjerne også andre styringsverktøy som prinsipprogram, langtidsprogram og styringsføresegner.
I laget sit det eit styre som er valt av årsmøtet. Eit vanleg styre er samansett av leiar, nestleiar, kasserar, skrivar, studieleiar og gjerne andre personar som har ansvar for eit spesielt arbeidsfelt. Å bli samde om kva hovudoppgåver kvar enkelt styremedlem skal ha, er eit godt tips for at styret skal fungere godt. Har alle like stort ansvar for kvar einaste oppgåve, blir ofte ingenting gjort.
Årshjulet er eit godt verktøy for eit ungdomslag. Her kan laget skrive inn viktige gjeremål og aktivitetar for åra som kjem.
I januar kallar vi inn til årsmøte, og valnemnda og styret førebur seg på dette. Denne månaden startar kanskje aktiviteten opp i dansegruppa og i ungdomsklubben. I februar blir årsmøtet halde, og første møtet i det nye styret og i nemndene. I mars startar gjerne førebuingane av program til 17. mai. I april og mai er det dugnad i ungdomshuset og så bortetter. Blir alle kjent med årshjulet blir det lettare å planlegge heile året og sjå samanhengane mellom ulike aktivitetar.
Gjennom å ta verv i eit ungdomslag, får du ei unik opplæring i demokrati, leiing og prosjektstyring og får vere med på å skape levande lokalsamfunn.
Utforsk fagfelta våre for å lære meir om kva lokallaga våre driv med
Folkedans
Organisasjonen arbeider fagleg og politisk for alle formene for norsk folkedans.
Levande kulturarv
Levande kulturarv eller immateriell kulturarv er tradisjonar og kunnskap som blir overført mellom generasjonar.
Bunad og handverk
Bunad og handverk er ein historisk viktig og sentral aktivitet i Noregs Ungdomslag.
Ungdomshus
Husa våre er viktige som arena for frivillig kulturarbeid og utøving av dans, teater, bunadsarbeid, og anna kulturarbeid.
Teater
Amatørteater har i heile levetida til Noregs Ungdomslag vore ein del av det sentrale arbeidet i organisasjonen.
Bli ein del av Noregs ungdomslag
Som medlem i NU får laget dykkar høve til å delta på kulturelle hendingar og sosiale møtestader. I tillegg gir NU-støtte til sine medlemslag ved å utvikle og oppmode til leiarskap blant ungdom, særleg i landlege og avsidesliggjande område.
Medlemskap gir også tilgang til eit flott nettverk av menneske som er dedikerte til å halde levande lokalkultur i live.
Søk pengar til prosjektet ditt
Som medlem i NU har laget dykkar moglegheiten til å søke om pengar. Gjennom støtteordningar som Frifond og andre midlar, kan du få finansiell støtte for å setja i gang det du brenn for. Kanskje det er eit kulturelt arrangement, eit kurs, eit samfunnsprosjekt, eller ei anna idé som styrkjer ditt lokalsamfunn.
Aktuelt blant lokallaga
Sjå alle
Mobiliserar for å redde ungdomshuset Fosshalla
Ungdomslaget i Naustdal mobiliserar etter forslaget om å rive ungdomshuset Fosshalla for å bygge ny veg i Sunnfjord.
14. mars 2024
Ei veke i musikalane si verd!
Mjøsspirene, eit nyoppretta ungdomslag utanfor Gjøvik i Innlandet, har i 2023 for første gong stått som arrangør av sommarmusikalskulen Musikalenes Verden.
24. august 2023
Ny prosjektstilling på NU-kontoret
Ida Søderstrøm frå i Dale i Sunnfjord, er tilsett i ei 50 prosent prosjektstilling i Sogn og Fjordane Ungdomslag.
24. januar 2023
Vinnarane av Kven veit? er kåra
Årets vinnarlag av Kven veit? 2021 er kåra! Tevlinga har i år har vore prega av coronavirus, stadige utsetjingar og postvesen som ikkje har vore heilt velvillig. Tross dette har laga stått på og gjennomført tevlingane etter beste evne. Nokre lag har krydra tilværet til tevlingsleiaren med ris, ros og underfundige kommentarar. Det er noko vi set pris på og håper laga fortsett med!
16. oktober 2021
Prisdryss til Dag Vårdal og Arne og Asbjørg Sølvberg
Kvart år deler Norsk senter for folkemusikk og folkedans ut to gjeve prisar i folkemusikk- og folkedansmiljøet. I 2021 vart prisane delt ut under representantskapsmøtet 24. september i Oslo. Vi kan med glede fortelje at NU har medvirka til å nominere inn båe kandidatane til dei to prisane som vart delt ut i haust.
4. oktober 2021
Nettmøte: Dansetradisjonar frå Oslo
Knapt nokon stad i landet vårt har det vore dansa så mykje og ofte som nett i hovudstaden vår. På 1800-talet var dans ei viktig samværsform for alle samfunnsklasser, frå borgarane sine bygardar og herskapsseter til ålmugen sine mange dansehus aust i byen. På Christiania Tivoli var det rom for dei fleste av dei.
23. mars 2021
Tips oss om Årets lokallag
Veit du om eit lag som fortener å bli nominert til Årets lokallag? Send oss gjerne framlegg til kandidatar så tek vi dei med i vurderinga. Det er styret i NU som avgjer kven som kvart år blir med i den endelege avstemminga.
Fleire rettleiingar
Sjå alleKorleis søke tilskot?
Kva bør du tenke på når du skal søke om tilskot til aktivitetar eller prosjekt i laget ditt?
Lov for fylkeslaga
Alle fylkeslag må ha eigne lover. NU har utarbeidd eigne mønsterlover som kan nyttast dersom ein skal utarbeide nye eller revidere eksisterande lover. På landsmøtet i 2011 blei det vedteke nye mønsterlover for fylkeslag, og desse blei noko justert på landsmøtet i 2012 og 2016.